Mim Kut hmang dawn

Mim Kut Celebration Organizing Committee chu an chairman Social Welfare & Tribal Affairs minister Er. Lalrinawma hoin Mim Kut lawm dan tur relin nimin khan an thukhawm.
Mizoin kutpui kan neih dangte anga Mim Kut chhawmnung tura ruahmanna siam a ni chu lawmawm a tih thu leh, thangtharten Mizo culture leh history an hriatchian zel theihna atan hman tangkai tha a tih thu Er. Lalrinawma hian a sawi a. Mizo nun hlui leh nun ziarang theihnghilh leh kalsan a nih loh nan Mizote bawk chu a mawhphurtu kan ni, tiin a sawi.
Mim Kut lawmna tur ruahman hi sawrkar bultuma Mim Kut buatsaih hmasa ber tur a ni a. Social Welfare & Tribal Affairs department kaltlangin sawrkar laipui atanga a lawmna tur sum hmuh a ni.