Minister-in Tripura-a sawrkar hmun tlawh
Mizoram minister TJ Lalnuntluanga chuan Ningani khan Tripura-a sawrkar hmunhma pawimawh thenkhat a tlawh.
Law & Judicial minister hian Lokayukta Tripura tlawhin, chairperson KN Bhattacharjee nen an inkawm. Lokayukta Tripura kalpui dante sawihoa zirchian a ni a. Mizoram Lokayukta kalpui kawnga tangkai turte sawipuiin, ngaihdan thar siamna’n a pawimawh thute sawi a ni. Tripura Lok Ayukta-a thawktuten an rama an kalpui dan hi Mizoram Lok Ayukta hotute an lo hrilh a ni.
Minister hi adviser to chief minister C Lalramzauva, Mizoram Lokayukta secretary Zahmingthanga Ralte leh Anti Corruption Bureau deputy SP Zosangliana ten an tawiawm.
Transport minister ni bawk TJ Lalnuntluanga hian Ningani vek khan Integrated Check Post (ICP) Agartala leh Border Haats, Kamalasagar Tripura amite tlawhin Official-te nen hmalak dan an zirchiang.
ICP Agartala tlawhnaah hian Indo-Bangla Border kaltlanga bungraw lakluh dan leh ICP kalpui a nih dan an lo hrilhfiah a. Indo-Myanmar border kaltlangin tun aia insumdawn tawnna mumal zawka kalpui a nih theih dan turte, sumdawnna hlawk zawka kalpui theih dan tur leh, mipuiin bungraw man man zawka an lei theih dan turte an sawi ho a ni.
Border Haats Kamalasagar a tlawhnah Kamalasagar bialtu MLA Antara Sarkar Deb leh official-ten an lo dawngsawng a. Indo-Bangla Border Haats-a sumdawnna kalpui dan an lo sawipui. Covid-19 len hnuah Border Haats kalpui chhunzawm a la nih loh thu leh kalpui leh thuai tuma Bangladesh official-te nen an indawr mek thu an lo hrilh. Minister hian Champhai District Indo-Myanmar Border-a ramri kaltlang insumdawntawnna Border Haats kalpui ve theih dan tur sawipuiin, sumdawngte leh mipuiin hlawk zawk leh tangkai zawka border trade an kalpui theih dan turte an sawi a ni.
Minister-in Tripura-a sawrkar hmun tlawh
Get real time updates directly on you device, subscribe now.
Prev Post