Mipat hmeichhiatna hman khawloh chungchangah CPI-M hotu lawk police in ko

On Oct 30, 2024 16 0

Mipat hmeichhiatna hman khawloh
chungchangah CPI-M hotu lawk police in ko
CPI-M legislator hlui leh senior leader Tanmay Bhattacharya lakah FIR thehluh niin, police station-ah koh a ni.
Hemi chungchangah hian hmeichhe journalist pakhat chuan a laka CPI-M hotu lawk chet dan chungchang hi thuneitute hnenah thlenin, FIR a thehlut a, thawhtanni khan police station-ah koh nghal a ni.
FIR hi Bhattacharya chenna in hnuaia awm Baranagar police station-ah thehluh niin, a mi khawih nia insawi thusawi record pawh an kawl thu police te chuan an sawi.
Pathianni chawhnu khan hemi thu leng vel an hriat hnuah CPI-M chuan an veteran hruaitu Bhattacharya hi an party atangin an suspend thu an sawi a, FIR thehluttu hian a duh lo chung a khawih ngei a ni tiin a tang na hle.
Police station a koh a nih hnu hian Bhattacharya chuan media mite hmaah politics-a inpuh hmingchhiat tumna mai a ni, dawt muhlum a ni, a ti nasa hle a. Intihhmingchhiat tumna lian tak a ni, a ti zui bawk.
Hetihlai hian Trinamool Congress hruaitu Kunal Gosh chuan Bhattacharya chu man nghal phutin, tun thlenga man loha a la awm chhan a zawt let a, a pawngsual tuartu ngeiin a sawi chiang tawh chunga man loha a la awm reng chu thil dik lo lian tak a nih thu a sawi.