Mipui ten hna nei lo, ipte ruksak : Rahul

Congress leader Rahul Gandhi chuan BJP kaihhruai Centre sorkar hnuaiah India mipui te chuan hna hmu lovin inflation an tuar nasa hle tiin a sawi.
Chhattisgarh a Korba district a Bharat Jodo Nyay Yatra neihnaa mipui pungkhawm te hmaah Gandhi chuan mipui te an harh tawh a, tunah chuan an ipte ruksaka awmin kaihhruai dik lohin an awm tih an hre tawh tiin a sawi a.
“Backward classes, Dalits leh Adivasi (tribals) te chu India mipui 74% te an ni a, mahse, heng community atanga pakhatmah hian India top 200 company ah neitu nihna nei an awm lo, heng company lian te hi he ram pawisa zawng zawng hi pekin an awm vek zawk a ni” tiin a sawi.
“BJP te chuan “Hindu Rashtra” an ti a, mahse, population 74% te hi mirethei an ni a, engmah neih an nei ve lo. Steel plate leh dar an khawng a, mobile phone phawrh khumin riltamin an thi a ni” tiin a sawi bawk a.
“Min hrilh teh u, mirethei, labourer, hna nei lo emaw sumdawng tenau Ram Mandir hawnna neihnaah khan in hmu em? Kei chuan Adani, Ambani, Amitabh Bachahn, Aishwarya Rai leh sumdawng lian te chauh ka hmu a. Adani, Ambani leh an chhung te chuan statement lian tak tak an pe a ni” tiin Gandhi chuan a sawi bawk.
Mipui te chuan hna an nei lova inflation turu tak an tuar mek a, chutihlaiin ‘Adani leh Ambani te chuan Chinese bugnrua hralhin an hlawk em em’ tiin Congress leader chuan a sawi bawk.
Rahul Gandhi Bharat Jodo Nyany Yatra hian Chhattisgarh a fang mek a ni.