MISA-in inkhawmpui hmang IPRO indaihloh natsat thu sawi

MISA-in inkhawmpui hmang
IPRO indaihloh natsat thu sawi
Mizoram Information Service Association chuan Ningani khan Aizawlah annual conference an hmang a. I&PR minister Dr Vanlalthlana’n a hmanpui.
MIS officer-te chu sawrkar leh mipui inkara palai hna thawktu pawimawh tak an ni tih inhrereng turin minister hian a chah a. Tunlai khawvel thiamna thang zelah intuaithar reng tur leh inzir thar zel turin a chah. Department kaltlanga mipui rawngbawl hna sawt zawka kalpui a nih theihnan a tul angin amah finchhuah thin turin a chah a, a tul dan angin bawhzui ngai a bawhzui zel dawn tih a sawi a ni
MISA president, deputy director Malsawmsanga sawi danin, MIS junior grade post awm atangin zaa 56 hnawhkhah a ni loa, Aizawl district vil tur Information & Public Relations officer pakhat chauh a awm. Social media kaltlangin sawrkar hmalakna mipui hriata phochhuahna atan Instagram, X, Facebook leh YouTubeehman a ni a. MIS officer-ten hna sawt zawka an thawh theihnan leh an thiamna an tahhriam zel theihnan ‘The Mizoram Information Service Training Regulations 2024’ pawh duanfel a ni tawh.
I&PR director C Lalnunkima chuan thawktu indaih lo karah sawrkar hmalak puanchhuah hna bahlah miah loa an kalpui thin chu thawktute fakawm a tih thu a sawi a. MIS officer-te chu sawrkar leh mipui thlunzawmtu pawimawh tak an ni, tiin, district office-ah hna tha taka kalpui a nih theihnan lirthei mamawhna a nasa tih a sawi a ni.