Mizoram Science, Technology & Innovation Council (MISTIC) Governing Body chu an chairman chief minister Lalduhoma hoin Zirtawpni khan an thukhawm.
Governing Body member secretary, MISTIC chief scientific officer Er H Lalsawmliana’n tunhnaia hmasawnna leh hmachhawp an neih a report a. MISTIC hian Research & Development (R&D) hmalakna hnuaiah nikum khan Lungleiah Science Centre leh Planetarium a hawng a; Khawzawla KVK hmunah solar cold storage, ton 10 dah theihna, Aizawl atanga control theih an bun a; 4-Color Web Offset Press Phunchawngah hawn mai theihin an peih tawh. Mizoram Biotechnology Centre MINECO-ah an sa mek a, Selinga Food Testing Laboratory tihchangtlun hna an thawk bawk.
Innovation Facility Centre hmalaknain innovation (thil thar chin chhuah) promotion hmun engemawzatah an kalpui a. Workshop, training leh exhibition, innovator meet an buatsaih. Innovator-te an tanpui a, intihsiak leh industry tlawh an buatsaih thin.
Patent Information Centre hnuaia an hmalakna atangin Intellectual Property Right – patent 5, trademark 20, geographical indications 5, copyright 9 leh design 1 pawmsak (grant) an ni tawh.
Climate Change Knowledge Management hmalakna, technology deployment, science lam chawilarna, institution leh human capacity building lam hmalakna an kalpui bawk.
Thutkhawmah hian Mizoram State Intellectual Property Right Policy, Science Technology & Innovation Policy chungchang leh an inrelbawlna pawimawh dang sawiho a ni.
MISTIC-in hmalakna leh hmachhawp sawi
Get real time updates directly on you device, subscribe now.
Prev Post
Next Post