Lunglei district magistrate Navneet Mann chuan Lunglei district atanga Myanmar leh ram danga hralh tur tuialhthei phurh chhuah khap a ni tih mipui a hriattir.
“Tunlai hian Lunglei district huamchhungah phalna neiloten thenawm ram Myanmar leh ram danga hralh tur tuialhthei (petrol leh diesel) an phur chhuak thin tih hriat a ni a. Tuialhthei phurh chhuah phalna/ storage licence nei loa tuialhthei phurh chhuah (deliver/dispatch) hi Rule 3 The Petroleum Rules 2002-in a khap a; dan zawm lote chu na taka hrem theih an ni,” a ti.
Lunglei district huamchhungah tuialhthei (petrol leh diesel) indaih lohna a thlen lohna atante, mipui (consumer) ten harsatna an tawh lohna tur leh tuialhthei phur lirtheiten chhiatna (kang) an tawh loh nan storage licence neiloten filling station /petrol pump atangin emaw hmun dang atangin district pawna hralh chhuah tur tuialhthei an la chhuak tur a ni lo, district magistrate hian a ti a. Thupek zawm lote chu Section 23 The Petroleum Act 1934 tlawhchhana hremna pek an nih tur thu a sawi.
Myanmar-a oil phurhluh khap
Get real time updates directly on you device, subscribe now.
Prev Post
Next Post