Mizo hmeichhe zinga cabinet minister hmasa ber chawimawi

Jeriko Khualbuk Durtlang chuan Mizo hmeichhe cabinet minister hmasa ber ni tura tun sawrkara cabinet minister zinga tel Lalrinpuii, Lunglei East bialtu MLA chu July 26 tlai khan anmahni hmun Durtlangah an chawimawi.
Jeriko Khualbuk hi hmeichhe rahbi tleute awmna niin, New Life Home Society enkawl a ni. Kum 1990-a din tan a ni a, New Life Home Society Managing Board hnuaiah hian Board chairman hoin member 11 an awm mek. Enkawlte hi thla 3 /4 emaw chhung a thlawnin an awm thei a. Khualbukah hian puanthui bakah beauty culture training kalpui thin niin, principal councillor hoin thawktu 8 an awm.
Social Welfare minister Lalrinpuii hian Jeriko Khualbuk tan sumfai a hlan a. Jeriko Khualbuk hian cabinet minister chawimawina atan hian an vawk vulh lai talhin ruai an buatsaih sak a ni.