Mizo medicine specialist hmasa ber Dr Lalzauva thi

Mizo medical doctor zinga medicine specialist hmasa ber Dr R Lalzauva (79) chu 2024 September 11 zing dar 3.10 khan a thi.
Medicine specialist a ni chungin, Dr R Lalzauva hi Lunglei Civil Hospital-a a thawh lai, kum 1974-ah lu na avangin nikhawhreloin a awm a. Karhnih enkawl a nih hnu ah pawh ziaawm lam a pan theih loh hnu ah Pathian tihdamna a chang a. Pathian hnenah thu tiamin, a dam chhunga Pathian rinnaa nung turin a intiam a. Mizo zinga medicine lama specialist hmasa ber ni mah se, kum 50 chhung – December 1974 atanga a hnuk chah thlengin damdawi ei loin Pathianah a innghat tlat tih sawi a ni.
Kum 1972 December-ah MBBS a zirzo a, Mizoram buai lai khan India sipaiin Mizo an sawisakte a enkawl tam hle a ni. Lunglei Civil Hospital bakah hian Serchhip District Hospital leh Civil Hospital Aizawlah a thawk a, 2008 February 29 khan Health & Family Welfare joint director-in a pension a ni.