Mizoin pun kan mamawh – VL Zaithanzama, MLA

Mizoin pun kan mamawh
– VL Zaithanzama, MLA
Ram leh hnam himna atan Mizoten pun kan mamawh hle tih MLA VL Zaithanzama chuan a sawi.
Zirtawpnia an ZPM party office-a inkhawmah VL Zaithanzama chuan kum 1981 chhiarpuiah zaa 48 velin kan pung a, 2011 chhiarpuiah zaa 23 velin; tunah kan pung tawh meuh loang tih a hlauhawm tih sawiin, “Heng atanga inkhaichhuak tur hian khawvel ram tam takin ruahmanna an nei a. Kan tlem telh telh chuan ramri-ah hian invenghim mah ila, Mizo hi kan him loh chuan awmzia awm lo. Mizo kan him theihna tur leh keimahni invenghim turin pun kan mamawh a ni,” a ti.
Ruihhlo vangin thalai an thi nasa a. Kumin kan thih dan rate enin ruihhlo vanga thi hi kan pung nasa dawn hle tih a lan thu a sawi. Khawvel hmasawnna sawi rualin, mihringin hmasawnna a pawimawh tiin, “Mihring kan inhumhim loh chuan ram a him lo a, kan hnam hian eng kawng nge kan zawh tih ngaihtuah a tul. Thlirna pakhatah chuan, kan thalaite hian hmalam hun neiin an inhre lo niin ka hria. Sawrkar hna lak dan leh a rampum sum chevel en hian thalai tam tak hi an beidawng a ni. Eizawnna leh politics-ah thangtharte tan hmun ken kan tum loa, thalaite khawvel kan siam a ngai,” a ti. Thalaiten an thiamna leh an theihna Mizoram atanga ramdang thlengin lanchhuah tir an duh a, an ti hleithei lo chu an puakkeh thin nia a lan thu a sawi a. ZPM chuan beiseina siamsak an tum tih a sawi a ni.