Mizoram an chak awlsam

BCCI hnuaia U19 Multi Day inelna, Cooch Behar Trophy-Plate khelh mekah December 11, Zirtawpni khan Arunchal Pradesh chu Innings khat leh run 127-in a hneh a, ni 4 chhung khelh turah ni 2-naah hnehna an chang der.
Lal Bahadur Shastri Stadium, Anand, Gujarat-a inkhelah hian Arunachal Pradesh toss-ah chakin vuak hmasak an thlang. 1st Innings-ah over 52.3-ah out vekin run 137 an siam a, Mizoram tan Eric Zonunfela (Sihhmui) chuan wicker 4 a la a, Vanlalchhuankima (Armed Veng) pawhin wicket 3 a la ve bawk. Maubawk rawlthar Stephen Lalawmpuia’n wicket 2 lain Saingurpuia (Ramthar Veng) chuan wicket 1 a la ve bawk.
Mizoram-in bat vein over 89.5 chhungin run 424 siamin an out vek a, Ramhlun Venglai rawlthar Immanuel Lalpekhlua’n run 140 siamin Lalpekhlua Zote (Zemabawk) chuan run 79 a siam a, F. Lalnunkima’n (Ramthar Veng) run 73 a siam ve bawk. Bowling lama che ?ha Stephen Lalawmpuia’n run 36 rawn thawh vein Captain Malsawmzela’n run 22 a siam bawk.
2nd Innings-ah Arunachal Pradesh lamin run 160 siamin an out vek a. Vanlalchhuankima’n wicket 6 a la a, Immanuel Lalpekhlua’n wicket 3 lain Isak Lalremruata’n wicket 1 a la bawk.
Vawi hnih thawhah Arunachal Pradesh lamin Mizoram run siam zat an phak loh avangin Mizoram chuan Innings khat leh run 127-in hnehna an chang ta a ni.
Mizoram hian Ni 16-19 December, 2025 chhungin Anand-ah Meghalaya an hmachhawn leh ang.