Mizoram coach rual inhmukhawm
Association of Mizoram Football Licenced Coaches (AMFLC) general body meeting chu May ni 20, 2023 (Inrinni) khan KV Multipurpose Centre, Durtlangah koh niin, sawmbikte leh coach licence nei an kal thahnem hle.
Er. H. Duhkima, Director, Project Management unit (JJM), PHE Dept. chuan khuallian niin a hmanpui.
He hun hi AMFLC president Dany Lalduhawma’n kaihruaiin, coaches license pass thar E license-ah mi 36 leh D license-ah mi 16 lawmluh an ni a; member boral Vanrotluanga (Vra) leh Niky Malsawmtluanga sunna hun hman a ni.
AMFLC general secretary Samson Ramengmawi chuan AMFLC hruaitute inhmelhriattirna hun kaihruaiin, member 145 an awm mek thu leh member thar tan membership fee Rs. 500 pek a ngaih thu a sawi a, member ni sa tan annual fee kum tin an pek thin thu tarlang chungin tun dinhmunah A Licence nei mi pahnih bakah B Licence nei mi sawmpahnih an awm mek thu a report a, licence conduct thei D-ah pakhat leh E-ah pahnih an awm thu sawiin, AMFLC-te hi sawrkarah an inziahluh thu a sawilang tel bawk.
Pawl kalphung chungchang sawiin, article sawmpanga a awm thu bakah sawifiah ngaite sawifiahin, dan an neihte chu pawl thatna tur leh felfai zawka pawl a kal zel theihna’na hman a nih thu, hamthatna a awm pawhin pawl kaltlanga tangkai zawka hman a nih zel theihna tura kalphung duan a nih thu a sawi.
AMFLC treasurer S. Malsawm-tluanga chuan sum dinhmun report pein, sum hmuhna hi membership fee leh anual fee bakah mi inpete hnen atanga an hmuh thin thu sawiin, pawisa hmanna chu general body meeting senso atan leh member boral ralna’n leh lawmpuina atan hman a nih thin thu a sawi bawk.
Samson Ramengmawi hruaina hnuaiah season khat chhunga coach hlawhtlinga thlanchhuah mi pasarih – Lalsangzuala Hmar (Chawnpui FC), H. Lalnunzira (Mizoram Team), C. Vanlal-chhuanga (Mizoram Police FC – goalkee-ping), Lalbiaksanga Colney (Mizoram Police FC), Zosangliana Ralte (Mizoram Police FC), HC Zarzoliana (Mizoram Team) leh R. Lalnunsangi (SYS ‘A’)-te hnenah ngaihhruaina thilpek hlan an ni.
Chawhnu rorel inkhawma an thu rel tlangpuite:
1. MFA leh DFA tournament sangberah license holder chauh hman ni se, DFA zawng zawngah lehkha pek ni se.
-- Advertisement --
2. Kalphung pangngai anga district tina hruaitu pahnih tal dah chhunzawm \ha an ti a, Distric Excutive Committee rawn chungin office bearer-te ngaihtuah zui atan an dah a; constitution siam\hat an rel bawk.
3. MFA-ah coach tam zawk an awm theihna’n coaching course a tam thei ang ber buatsaih tura lehkha pek.