Mizoram CS thar KR Meena

Mizoram CS thar KR Meena
Mizoram chief secretary atan sawrkar laipui chuan Khilli Ram Meena, IAS a ruat.
Mizoram chief secretary-a ruat Khilli Ram Meena hi 1993 batch Indian Administrative Service officer, Arunachal Pradesh-Goa-Mizoram and Union Territory (AGMUT) cadre a ni a. A ni hian Mizoram chief secretary chhuak ta Dr Renu Sharma a thlak dawn.
Dr Renu Sharma hi kumin October 31 khan pension-in a chhuak a. Mizoram sawrkar hotute chuan Zohnahthlak mi dah theih tur dapin sawrkar laipui hotute pawh an dawr a, hminghmerh pawhin 1992 batch IAS zing ami thlen an nei a ni. Chief minister Lalduhoma chuan Union Home minister a hmuh tumin chief secretary atana duh an neih thu hi thlenin, a ni an dah lo a nih pawhin AGMUT cadre zinga dah awma sawrkar laipuiin a ngaih chu entir ve leh phawt turin an ngen tih a sawi a ni.
Kumin November 1-a The Aizawl Post chhuakah Khilli Ram Meena hi chief secretary tura ruat tuma sawirik a nih thu tarlan a lo ni tawh a. Zohnahthlak zing ami Mizoram chief secretary ni tawh ho zingah, an pension hnua Congress party zawm an awm nual avangin tuna sawrkar laipuia BJP kaihhruai sawrkar hian Zohnahthlak ruat leh hi a chak vak lo nia sawi a nih thu pawh tarlan a ni bawk.