Mizoram-in gold 2 leh silver 2 hlawh chhuak

Mizoram-in gold 2 leh silver 2 hlawh chhuak
Delhi khawpuia khelh zawh tak 2025 International Open Kukkiwon Cup-ah Mizoram taekwondo team player panga inlante an chetha a, gold medal pahnih telin medal pali an lo hawn.
Poomsae inelna bikah Mizoram team atangin pahnih an inlan thei a, gold leh silver medal an la,
T. Lalhruaitluangi (ITI Veng Gidae Club) chuan Poomsae Female Individual Cadet-ah gold medal awrhin, Arella Roluahpuii (ITI veng GIDAE Club) chuan Poomsae Female Individual sub junior category-ah silver medal a hlawhchhuak.
Kyorugi Fight inelna huangah pawh Mizoramin gold leh silver medal tho an hlawhchhuak a; Vanlalthlamuanpuii (Zemabawk Exodus Club) chuan Kyorugi under 55 junior category atangin gold medal a la a; R. Lalbiaknuami (Edenthar TABF) chuan Kyorugi Under 46 Senior category-ah silver medal a sual chhuak ve bawk.
He championship hi Kukkiwon North Region, South Korea leh Korean Cultural Center of India tangkawpin an huaihawt a ni a, Sport Authority of India-in an sponsor ve bawk.
International event a nih angin ram dang atanga rawn khel pawh an awm nual a, kan thenawm ram Nepal, Bangladesh leh Malaysia bakah organising team South Korea atangin an rawn tel thei a ni.
Mizoram team hi kan Mizoram Amateur Taekwondo Association chuan an veivahna atan pawisa thahnem tak an pai.

Mizo player inlante

1. Arella Roluahpuii (ITI veng GIDAE Club) – Poomsae Female Individual sub junior category

2. T. Lalhruaitluangi (ITI Veng Gidae Club) – Poomsae Female Individual Cadet

3. Vanlalthlamuanpuii (Zemabawk Exodus club) – Kyorugi under 55 Junior category

4. Grace B. Lalruatzeli (Venghlui R.L school of education , Gidae Club) – Cadet Under 51 category

5. R. Lalbiaknuami (Edenthar TABF) – Kyorugi Under 46 Senior category