Mizoram karate team chetha

Mizoram karate team chetha
All Mizoram Karate Association (AMKA) leh Mizoram State Sports Council tirha National Karate Championship lian pahnih chhimtu Mizoram Karate Team-te’n gold medal paruk, silver medal pali leh bronze pakua an hlawh.
21st WTSKF Natio-nal Karate Championship 2023 chu May 27 – 28, 2023 chhung khan Pe-deem Sports Complex, Pedeem, Mapusa, Goa-ah khelh zawh Mizoram player pakua an chhuak a, medal 11 an la.
He team hi manager Sensei Lalramthara’n a hruai a; All India Karate Championship khelh rual hian National Referee & Judge Exam huaihawt nghal niin, Mizoramin Referee ‘B’ Grade pass thar Sensei C. Laleng-liana leh Judge ‘B’ Grade kai thar Shihan John Lal-chungnunga a neih belh.
Championship chhung-a Karate Association of India annual general body meeting chu AM-KA gen. hqrs. president C. Dosavunga leh gene-ral secretary Lalropuia-te’n an chhim.
AMKA chuan NE Karate Championship leh Asian Games atana In-dian national team player turte selection an hma-chhawn thuai dawn avangin player-te ngawrh taka mahni Dojo theuha lo practice turin a hriattir.
Mizoram team-te hian vawiin, Thawhlehni hian Aizawl an luh hman beisei a ni a; Mizoram team coach hi Sensei Malsawmzuala niin, Shihan John Lalchung-nunga, Kolasib chu team manager a ni.
Technical official-in Sensei C. Lalengliana leh Sensei Lalropuia, Na-tional Referee A Grade, Upper Republic an tel.
National champion-ship-ah hlawhtlinna ropui tak an neih avangin AMKA president Shihan C. Dosavunga, Karate Association of India-a senior vice president ni bawk chuan lawmawm a tih thu sawiin, karateka-te chu championship lo awm leh tur atana lo inbuatsaih leh nghal turin a chah bakah he cham-pionship an chhim theih-na’na sponsor MSSC chungah lawmthu a sawi.