Mizoram MP-in Manipur thil thleng
Joint Parliamentary Team chhui ngen
Mizoram Rajya Sabha MP K Vanlalvena chuan Prime minister Narendra Modi hnenah memorandum thehlutin Manipur-a thil thlengte chhuitu tur Kristian MP-te telna Joint Parliamentary Team din tura ngenna a thlen.
MP K Vanlalvena chuan kumin May 2 atanga tun thlengin Manipurah Kristian biak in 42 aia tlem lo tih chhiat a nih tawh thu leh heng zingah hian tribal Kristiante biak in chauh tihchhiat a nih loh thu te, Meitei Kristian biak in pawh 6 tihchhiat a nih thu Prime minister hi a hriattir a. Manipur buaina hi Meitei leh tlangmite intihbuaina ringawt a ni lo tih hei hian a tifiah hle, tiin, Manipur atanga Kristiante umchhuah tum an awm tih a hriatchian a, hei hi India Constitution lungphum pawimawh pakhat sawinghinna a ni, tiin May 9-a a thu thlenah hian a tarlang a ni.
May 5 zana Assam Rifles duty-ten Churachandpur-ah khawtual mi pawisawi lo hmeichhe pathum leh mipa pakhat an kahhlum thu pawh Mizoram MP hian Prime minister hnenah a thlen a. Heng thil tha lo chi hrang hrang titu chhuichhuaha hrem an nih theihna turin, Kristian MP-te telna Joint Parliamentary Team din turin Prime minister a ngen a ni.
Mizoram MP-in Manipur thil thleng Joint Parliamentary Team chhui ngen
Get real time updates directly on you device, subscribe now.
Prev Post