Mizoram paltlang tur Meth man

Mizoram kaltlanga tawlhruk tur nia rin methamphetamine nia hriat chu Bairabi ah man a ni.
Thudawn danin, Kolasiba Excise & Narcotics Department, BSF leh YMA Kolasib Venglai Branch Kumpuan Committee tangrual chuan June 30 khan ruihna atana hman thin Crystal Meth gram 734.78 chu Bairabi Road Zero Point-ah an man a. He thil hi Mamit district Tuipuibari atangin Tuikuk nia hriat mi 6-in bike pakhat leh car-in an phur tih hria in an inhlanchhawng tur an nangching a. An zinga pahnih – Bidroham (33) leh Chander Prakash Reang (24), Tuipuibari te chu manin, midang pali hi chu an tlanchhe hman tih sawi a ni.
Man zing ami hian Meth hi cheng nuai 30-a hralh turin a leitu turte nen an inbe fel tawh niin a sawi a. He thil hi Bangladesh lam atanga rawn lut nia hriat a ni.
Methamphetamine hi damdawi dang sawngbawlna atanga ruihna atana siamchhuah a ni a, chi hrang hranga siam niin, Mizoramah pawh man a ni fo a, tuna an man ang chia an siam – Crystal meth (sailungvar fim ang) tak hi chu man tur a la tam lo nia thu dawn a ni a. Mizoramah ‘meth’ hi ruihhlo ti zingah pawh ti an awm thu hi hriat a ni meuh lo bawk a, Mizoram kaltlang hian hmundanga tawlhruk tur hi kalpui thin nia hriat a ni thung.