Lai Students’ Association hmalak mekna, Sangaua sawrkar school pakhat atanga headmaster sawnchhuah dahlet tura ngenna leh zirtirtu leh thawktu dang indaihlohna phuhru tura sawrkar an ngenna in awmzia a neih theih loh avangin Sangau huamchhunga zirna in leh sawrkar office kal tur chu vawiin, July 3 atang hian dan an tum.
LSA Sub-Hqrs Sangau thuchhuak chuan, Govt. Blue Mountain High School Sangaua headmaster transfer chungchang bakah zirtirtu leh staff dang indaihlohna chungchanga Mizoram sawrkara ngenna siam a, he school-a zirtirtu kal tur ni thum an dan hnu ah pawh, thuneitu lam atanga chhanna leh hmalakna an hmuhloh avangin, July 3 atang hian Sangau town chhunga educational institution zawng zawng leh sawrkar office zawng zawng kal theiloa dan an tum tih an sawi.
Zirna leh sawrkar office dan hi July 4-ah an chhunzawm ang a, hemi ni hian Sangauah kawngzawh an nei ang. Mizoram sawrkar atanga an ngenna a hlawhtlin loh zel chuan hmalak chhunzawm dan tur chu rel that leh an tum tih an sawi a ni.
Sangauah zirna in leh sawrkar office dang dawn
Get real time updates directly on you device, subscribe now.
Prev Post
Next Post