Mizoram Police din cham

January 21 kha Mizoram Police din champha vawi 53-na a ni a. Mizoram Police chuan mipui chibai bukin, police-ten hna an thawhna kawnga an thlawpna leh thawhpuinaah lawmthu an sawi.
Mizoram Police hnuaia unit hrang hrang chuan he ni hi kawng hrang hranga lawmin, inzirtirna hun (awareness programme), faina beihpui thlak, thisen pek leh thil dangin hun an hmang a. GS Arya Mess Police Headquarters-ah chuan DGP Mizoram Anil Shukla bakah senior police officer-te leh retired officer-te nen hman a ni.
1972 January 21 khan Assam hnuaia Mizo District chu union territory-a hlankai a ni a. Inspector General of Police (IGP) Mizoram hmasa ber IJ Verma, IPS chuan 21.1.1972 khan a office a luah tan. Heta tang hian January 21 chu Mizoram Police Raising Day atan hman tan niin, kumin hi a champha vawi 53-na a ni.