Mizoram chuan Tourist Guides’ Federation of India (TGFI) convention vawi 24-na nimin khan a thleng a, hetianga tourism kaihhnawih convention pawimawh tak kan thleng hi a lawmawm hle a. Nikum lam khan International Tourism Mart kan lo thleng tawh bawk a, kan hlawkpui thawkhat turah ngai ila.
TGFI convention hmanpuitu Mizoram tourism minister-in tourism lama Mizoram hmalakna hrang hrang a tarlan zingah, chhuang taka a sawilan pakhat chu ‘Mizoram Responsible Tourism Policy’ a ni a. Hetiang policy hi India rama a hmasa ber a nih thu leh 2020-a tlangzarh a nih thu a sawi a. He policy hian Tourism-a hmasawnna tluantling leh tlo, ram leilung tichhe lo leh mi tin huapzo neih chu a tum ber a ni, tiin a sawi bawk a ni.
Mizoram Tourism Policy hian target pawimawh tak tak 10 a nei a, policy tlangzarh a nih hnuah kum hnih chu a vei leh ta a, target 10 zingah hian tihhlawhtlin emaw, target tihhlawhtlin tuma hmalakna kal mek engzat nge awm tawh tihte chu tuna TGFI convention-ah hian tarlan ni lo mah se, hmalakna engemaw chu a awm ngei tawh turah a ngaih theih ang a. India rama policy la awm ngai lo ti hiala sawi hlawh, kum hnih kalpui tawh chhung khan hmalakna chhuanawm awmzui thei se a duhawm hle a ni.
Kum sawm chuang kaltaah khan India rama state tam zawkin an kalpui theih loh, Mizoramin a kalpui, chhuang taka ram hruaituten an lo sawi thin chu Education Reforms Commission kha a ni a. ERC report 2010 pawh sawrkarah theh luh a ni a, mahse report implement a ni zui ta lo va. ERC report kha a tha a, mahse cheng vaibelchhe 200 vel senso a ngai dawn a, kan tlin lo an ti liam leh ta mai kha a ni a. Tuna chhuang taka Tourism Policy kan sawi chhuah thin hi chu, ERC ang maia hlamzuih lo turin thawktute han tang fan fan teh s
Mizoram Responsible Tourism Policy
Get real time updates directly on you device, subscribe now.
Prev Post