Mizoram State BJP hruaituten Mizoram mamawh Rijiju sawipui

New Delhi-a kal BJP Mizoram hruaitute chuan Union minister of Minority Affairs Kiren Rijiju hnenah state mamawh an thlen.
BJP Mizoram State general secretary Lalthangmawii leh MLA K Hrahmo te chuan September 22 tlai khan Union minister hi a chenna inah an hmu a. Mara Autonomous District Council-in project an thehluhte a ranglama sanction turin an ngen.
BJP Mizoram leh a bikin Mara ADC hmasawnna ngaihtuah tel loin Mizoram ngaihtuah theih a ni lo tih Kiren Rijiju hian a lo hrilh a. An thil thlen chu a tih ngei tur thu a sawi bakah a hming a sign hnan nghal a, hma a lak pui thuai tur thu a sawi.
Union minister hian an project-te chu state sawrkar lamah bawhzui a ngai a nih pawhin amah ngeiin a tul angin a bawhzui tur thu a lo hrilh bawk.
Hmarchhak state-ah Mizoram chu BJP sawrkarnaa tel lo awmchhun a nih avangin Central BJP hruaitute leh Modi kaihhruai sawrkar laipui pawhin a ngaihtuah hle tih sawiin, “Modi 3.0 ah phei chuan nasa zawka ngaihtuah in ni dawn a. BJP Mizoram chu top priority pek in ni dawn,” tiin a lo hrilh.