Mizorama MP candidate zingah Congress candidate a hausa ber

Mizorama Lok Sabha inthlanpui neih tura candidate mi paruk zingah Congress candidate Lalbiakzama chu a hausa ber.
Candidate hoin returning officer hnena affidavit an thehluha a lan danin, MPS retired Lalbiakzama hian sumfai leh khawih chet theih thil hlu dang cheng vaibelchhe khata hlu a nei a, khawih chet theih loh thil cheng vaibelchhe 2.80 hu a nei. Khawih chet theih loh ro a neih hi lo neih nana siam chi ram pakhat leh lo neihna atana siam chi ni lo ram pahnih a ni a. A nupuiin khawih chet theih thil Rs. 4790 hu a nei a, a chenpui midangin khawih chet theih thil an neih belhkhawm hlut zawng chu Rs. 7,41,000 a ni.
A pahnihna chu, independent-a dng tur Lalhriatrenga Chhangte a ni a. A nupui ram neih hlut zawng nena chhut chuan a thil neih zawng zawng hlut zawng hi cheng vaibelchhe 2.7 chuang a ni. MNF candidate K Vanlalvena chuan khawih chet theih thil Rs. 58,36,000 hu a nei a, khawih chet theih loh thil hlu cheng vaibelchhe 1.24 hu a nei. ZPM candidate Richard Vanlalhmangaiha’n khawih chet theih thil Rs. 97,74,000 a nei a, khawih chet theih loh thil hlu cheng nuai 70 man a nei. PC candisate Rita Malsawmi’n khawih chet theih thil cheng nuai 16.6 hu a nei a ni.
A rethei ber BJP candidate Vanlalhmuaka chuan khawih chet theih thil hlu cheng nuai 11.3 a nei.