Mizorama raltlan tumte harsatna tawh dan thlen

Congress party hruaitute leh Bawm Students’ Association hruaitute chu Nilaini khan Congress Bhavan-ah an inkawm a, Bangladesh buaina avanga Mizorama rawn raltlan tumten harsatna an tawh mek chungchang an sawi ho.
MPCC president Lal Thanzara chuan Congress party-in Zohnahthlak unaute harsatna tawh chu an tawrhpui takzet a, an tan an theihtawkin hma an la dawn tih a sawi a. Mizoram sawrkar pawhin an dinhmun hi enfiah a, an harsatna tawh chu sutkian pui turin an beisei a, sawrkar laipui dawr a, BSF-in harsatna an siam chu titawp turin hma la se an duh tih a sawi. Bawm zirlaite hi tanpuina sum a hlan.
Bawm zirlai hruaitute chuan Bangladesh-a Zohnahthlak unaute, mahni sahimna zawnga Mizoram rawn pante chu Damdep-2 ah BSF-in an lo dang a, an dinhmun a harsa hle tih MPCC hruaitute hi hrilhin, tanpui turin an ngen. Bawm zirlaite hian an harsatna tawh hrang hrang an thlen bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More