Mizoramah kum 10 sawrkar ila intodelhna kawng kan zawh ang – BJP State president

Mizoramah kum 10 sawrkar ila
intodelhna kawng kan zawh ang
– BJP State president
Mizorama sawrkar tawhten an buaipui ber hriat loh khawpa ram an sawpchhe vek mai chuan rilru a ti na tih BJP Mizoram president chuan a sawi a. Kum 10 sawrkar ve se, awlsam zawkin intodelhna kawng kan zawh dawn tih a sawi.
Thawhtannia BJP Mizoram office-a inkhawmah State president Vanlalhmuaka chuan, Mizorama sawrkar tawhte hian enge an buaipui a, enge an ngaihtuah thin tih mai turin kawng tinrengah belhchian kan dawl lo em em chu a pawi a. Political party tinin kan ram an sawp chhe vek mai niin a hriat tih a sawi.
Thalai hnathawh tur mumal neilo beidawng, kuthnathawktuten an thar chhuah hralhna tur neiloa mangang au aw hriatin rilru a rum thin tih sawiin, “BJP hian Mizoram hi kum 10 tal hruai ngat ila chuan, intodelhna kawng awlsam zawkin kan zawh ngei ngei dawn. Engvang nge kan tih chuan, Mizoram chu ziak leh chhiar thiam tamna ram leh thuawih thei tak ram, kohhran hrang hrang leh NGO-te inkaihhruaina tha tak nei kan nih avangin intodelh tura hma lak leh hnathawh hi thil harsa a ni lo. BJP din chhan ber ‘hmasawnna’ a nih angin chu chu thlen tir kan tum ber a ni,” a ti.
BJP thil tum leh Mizoram mipui beisei ‘development’ chu mipuiah a thleng tha lo tih Vanlalhmuaka hian a sawi a. Politics an khelh chhan bulpui berah development a nih a pawimawh, tiin, mipui mamawh pe thei tur tak tak chu BJP a nih zia mipuiin an hre chho ta tih a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More