Eirukna laka fihlim sawrkar nei tura hma la mek Aam Aadmi Party chuan inthlanpui awm tur atan an party aiawh MLA a in candidate tur mi tha an zawng mek tih an sawi.
Zirtawpni khan Aam Aadmi Party chuan thuchhuah siamin, Mizoram mipuiin kan rama eirukna leh dik lo taka rorelna kan kham hle tawh tih an sawi a. Delhi CM Arvind Kejriwal sawrkarin zirna leh hriselna lamah nasa taka hmasawnna a thlen theih ang bawkin Mizoram ah pawh hmasawnna kan nei thei tih AAP chuan an sawi.
Mizoram Assembly Election atan nasa takin an inbuatsaih mek tih an sawi a. Candidate tur mi 20 chuang an neih tawh thu sawiin party dang a awm mek seat chang lo leh mahni party a lungawilo mi tha te, eiru leh tanina tanna khawp hial sual ti tawhte tih loh chu an party a tel turin an sawm vek tih an sawi a. An party candidate ni tura tling tawkte chu theih tawp an puih tur thu AAP te chuan an sawi bawk.
AAP Northeast in-charge Rajesh Sharma chuan Delhi leh Punjab ang bawkin Mizoramah private aia tha in zirna leh hriselna atan hma an lak tur thu a sawi a. Tun inthlanpui lo awm turah seat a tam thei ang ber AAP ten an chuh tur thu sawiin, Aizawl khawpui chhungah pawh Block hrang hrang pali an din tawh tih a sawi a, block thar an la din zel tur thu a sawi bawk.
MLA candidate tur mitha kan duh – AAP
Get real time updates directly on you device, subscribe now.
Prev Post