MLA-in hawng
Aizawl West III bialtu MLA VL Zaithanzama hmalaknain MS Academy, Upper Khatla-ah MPSC Competitive Exam hmachhawn tur tan a thlawna zirna – Free Crash Course Coaching kalpui mek chu Inrinni khan MLA hian a hawng. MS Academy Khatla nen tangduna buatsaih MPSC Crash Course Coaching-ah hian Aizawl West III huamchhunga veng hrang hrang atangin mi 141 an inziaklut a, zing leh tlaiah class neih thin a ni. MCS chauh ni lo, central lama exam hrang hrang, SSC leh Group B leh Group A exam dang hmachhawnna turah an tangkaipui ngei a beisei tih bialtu MLA hian a sawi.