Mizoram MLA-te chu mipui rawng bawl nge an nih anmahni leh an duhsak zawngte tan chauha thawk an nih tih mipuiin ngaihtuah chuan a ngai tawh tih BJP Mizoram president Vanlalhmuaka chuan a sawi.
Thawhtannia an State office-a political session-ah BJP Mizoram president chuan Mizorama MLA term khat lek ni te pawh term khat chhung an MLA ringawtin vawkte chaw ei tha ang mai, an mawm hmaih zel a, an bialah erawh miretheite dinhmun chu kum 5 chhungin a ngai reng thin, tia sawiin, “MLA kan neih tawhte hi mipui hian chhutchiang ila, mipui rawngbawl nge an nih anmahni leh duhsak zawngte tan chauha thawk, tih ngaihtuah chian a hun tawh. BJP manifesto pui ber chu mitin an mamawh thlen sak a, an chanvo chan tur an chan ngei theihna’na hma lak a nih avangin, Mizorama party kan hmuh tawhte nen chuan kan danglam a ni,” a ti.
BJP-a awmte ai mahin party danga awmten BJP sawrkar chu an nghakhlel zawk nia a lan thu Vanlalhmuaka hian sawiin, “Campaign-a kan chhuahnaah party dang hian Mizoram politics hi an lo chik em em a, BJP tel lo sawrkarna in awm zia a neih loh zia an hriat avangin party danga hruaitu lawk leh thil hrechiang deuhte chuan BJP sawrkarna thlentir an tum hle niin a lang,” a ti.
MLA-te hi mipui rawng bawl nge an duhsakte tan chauh – MBJP president
Get real time updates directly on you device, subscribe now.
Prev Post
Next Post