Mizoram Law College zirlaite chuan an college leh college dang building sak hna thawktu contractor chu an hna a \hat loh bakah an muan avangin lungawithlak loh an ti a. Legal notice pe in khing tura an inbuatsaih thu an sawi.
Mizoram Law College Student Bar Council thuchhuak chuan, Rashtriya Uchatar Shiksha Abhiyan (RUSA) 2.0 Component 9: Infrastructure Grants to Colleges hnuaia allocated fund an hmuh cheng nuai 170 hmanga sawrkarin duhsak taka restricted tender hmanga contract a pek Sky Ridge Construction & Consultancy Services-in an college building a sak mek hna chhia leh muang lutuk chu lungawithlak loh an tih thu a sawi.
‘Sky Ridge Construction & Consultancy Services chairman Lalruatsanga (Hualngohmun) leh an managing director Benjamin L Tochhawng (7th Day Tlang Vaivakawn) te hian chhuanlam ho te te hmangin an hnathawh tih khawmuan leh thawh loh dan an zawng zel niin kan hria a. College building sak zawh hun tur kum thum leh thla hnih a ral hnu ah pawh zaa 50 zawh a la ni loa, legal notice pein khing turin inbuatsaih nghal a ni,’ a ti.
RUSA lamin Sky Ridge Construction & Consultancy Services hnenah cheng nuai 117 an release sak hnuah pawh contractor-te hian an mi chhawrte hlawh an pe \ha duh lo niin MLC Student Bar Council hian an sawi a. Chu chu an hna khaihlak fo chhan a ni tih an sawi.
Law College building sakna atan cement (Black Tiger) thi tawh chu chhut dip tirin an hmang leh \hin niin an sawi bawk a. RUSA a\anga hnathawk viltu tur engineer-in a enpui ngai meuh lo chu a chhan an hre duh tih an sawi a ni.
MLC zirlaiten contractor khin tum
Get real time updates directly on you device, subscribe now.