MNF chu Mizo tan chauha din – Lalduhoma

MNF chu Mizo tan chauha din a nih laiin, ZPM chu Mizoram mi zawng zawng tan din a ni tih ZPM leader Lalduhoma chuan a sawi.
Mamit district Marpara a tlawhnaah an party-in vantlang inkhawm an huaihawt a hmanpuinaah ZPM leader chuan Mizorama political party-ten mi zawng zawng a huap tur a nih laiin party thenkhat chu an party hming atang pawhin mi zawng zawng a huap zo lo tih a sawi. “MNF chu Mizo National Front a ni a, Mizo tan chauh a din a ni. ZPM erawh chu Mizorama mi zawng zawng tana din a ni,” a ti.
ZPM chuan beih a tawk nasa ta hle a, beih tham an lo ni ve ta tihna a ni tih a sawi. “Pathian zarah hma kan sawn nasa hle a, ruling lai phei chuan an theihna zawng zawngin min bei mek. Kum 2018 hnu lama inthlan awm reng rengah hma kan sawn zel a, tunhnaia inthlan kan hmachhawn hrang hrangah phei chuan kan rin phak bakin hma kan sawn a ni Hengte hi kan party chakna a ni loa, mipuiin sum thiltihtheihna an khengbet a, kan ramah diknain ro a rel a, kalphung thar mipui sawrkar a din theihna’n an rilru an siamfel tawh a ni,” Lalduhoma hian a ti.
ZPM a sawrkar chuan kawngpui tha chu hna hmasaah an nei dawn a, a chhawr ber tur chu ramria awmte an ni dawn tih a sawi a ni.