MNF-in sawrkar laipui phut
Manipur buaina chu a rang thei ang bera chingfel tur leh harsatna tawk mipui hnena chhawmdawlna him leh rintlak pe turin Manipur sawrkar leh sawrkar laipui an phut tih MNF party chuan an sawi.
MNF Gen. Hqrs. thuchhuak chuan Manipur-a innghirnghona thleng meka Zohnahthlakte mangang leh thlabar taka an awm bakah sawisak leh thah an ni chu hriatthiam har an tih thu sawiin, sakhaw zalenna ram India-a cheng kan nih lai a, hnam leh hnam inkara inhriatthiam lohna thleng avanga Kristian biak in tam tak tihchhiat a ni chu an dem takzet tih an sawi. Sawrkar laipuiin hma a lakna chu an duhkhawp loh thu sawiin, tun aia dik leh tanzawk nei loa hma la turin sawrkar laipui an phut tih an sawi a ni.
Chief minister Pu Zoramthanga’n Manipur-a Mizoram mi hruaichhuak tura theihtawp a chhuah bakah Home department, GAD Civil Aviation Wing, Mizorama tlawmngai pawl hrang hrang, kohhran leh political party-ten theihtawp an chhuahna leh inpekna MNF chuan a chhuang takzet tih a sawi a. Thuthang dikhlel thehdarh kawnga fimkhur lehzual tur leh mipuiin ram hruaitute hmalakna ngaichang thiam a, thu lengvak satliah vanga chiai mai lo turin an ngen tih a sawi bawk.
MNF-in sawrkar laipui phut
Get real time updates directly on you device, subscribe now.
Prev Post