Ex-Servicemen sipai hotu hmu
Mizoram tlawha lo zin, Commanding 101 Area general officer Maj.Gen. RK Jha chu Inrinni khan Mizoram Ex-Services League (MESL) hruaituten an kawm a. Mizorama Ex-Servicemen te harsatna leh mamawh an sawipui.
Maj Gen RK Jha hian Station Headquarters Aizawl Thuampuia CSD chu Mizorama Ex-Servicemen zawng zawng dawl zo tur khawpa tih len a nih tur thu a sawi a. Billing counter siam belh a, bungraw thlen laiin working hours pawhsei a, waiting room leh parking shed te tih changtlun a nih tur thu a sawi a. CSD Thuampui ami bakah CSD Extension Aizawl hmun remchangah leh Champhaiah hawn a nih tur thu a sawi.
Sipai pension-te tana hospital empanelment chungchangah rate thar siam a ni a. Mizoram tan pawh tih fel a ni tep tawh tih sawiin, sipai pension-te tan Eye Hospital leh Dental Hospital empanel a nih tur thu a sawi. ECHS Lunglei tan ambulance pek a nih thu leh ECHS Aizawl tan ambulance pek belh thuai a nih tur thu a sawi bawk.
ECHS Aizawl building thar tur chu Thuampui KV School bulah sak a nih thuai tur thu sawiin, chumi hma chuan tuna ECHS building hi tih changtlun a, waiting room leh shed thuamthat a nih thu a sawi a ni.
MESL aiawh hian an president Lt.Col. Clement Lalhmingthanga, senior adviser Col John Zama, senior vice president Lt.Col. ZS Zuala, general secretary Sgt Dr Ronald Lalnunmawia bakah Sainik Welfare & Resettlement director Srg Lt Cdr Lalnuntluanga leh District Sainik & Resettlement officer Maj Rebecca L Chhakchhuak te an kal.
Ex-Servicemen sipai hotu hmu
Get real time updates directly on you device, subscribe now.
Next Post