MNF-in thlavang hauh nat tum

MNF-in thlavang hauh nat tum
Mizo National Front party chuan Zofate thlavang hauhna’n a tawp thlenga ke an pen zel tur thu an sawi.
MNF Media & Publicity Department hruaitute sawi danin, Meteiho in Zohnahthlak hmeichhe pahnih saruaka kawng zawh pui a, pawngsual rawn a, sawisa zuiin, an nunna hial an laksak chu rawng an tih thu sawiin, mawhphurtu chhuichhuah leh hrem kawngah Manipur sawrkar N Biren Singh-a kaihruai leh sawrkar laipui chu chak taka hma la a, an tih tur ti nghal turin an ngen tih an sawi.
“Tihduhdahna tinreng tuar a, rapthlak thei ang bera sawisak tawkte thisen authawm chuan zalenna sual a, nunna chan huamtu martar-te thisenin a bual tawh MNF thinlung a tirum a ni,” MNF Media & Publicity general secretary VL Krosshnehzova chuan a ti.
Kristiante biak in sawisa a, halral a, nunau pawisawilote chunga Meitei mipui rawva taka chettirtu N Biren Singh chu a mawhphurhna hre lo, India dan palzut a, hnambil politics, dictator taka kalpui mektuah MNF chuan a ngai tih sawiin, Manipur sawrkar leh India sawrkar chu a state chhung buaina titawp a, chingfel thuai turin a phut tih an sawi.