MNF-in tling tharte lawmpui

MNF-in tling tharte lawmpui
Sinlung Hills Council member thlan thar zinga MNF & HPC (R) candidate tlingte chu Zirtawpni khan MNF office Mizo Hnam Runah lawmpuiin chawimawina hlan an ni.
MNF senior vice president Dr R Lalthangliana chuan Sinlung Hills Council inthlana hnehna an chan avangin Pathian chungah leh SHC mipui chungah lawmthu a sawi tih a sawi a. “He hnehna hi MNF chakna vang ngawr ngawr niloin, mipui hnehna a ni. Mipuiin ZPM sawrkar thla 11 leka upaah rinna an nghat tawh loa; mipui party, mipui ta, mipui tana ding thin MNF hnehna min chantir a ni,” a ti.
SHC-a hnehna an chan chuan chapona rilru neih tir lo se, ram siamtha tura theihtawp chhuah zawk tur a ni tih MNF hruaitu hian a sawi a. Tlawmna atanga bul tan that a pawimawh hle tih a sawi.
SHC-a tlingte chu an hmabakah hmasawnna ruangam duan tur tul tam tak a awm tih sawiin an thlawp zel dawn tih a sawi a ni.