MNF Gen. Hqrs. hnuaia frontal hrang hrang chuan political party dangte an buai laiin an party chu an buai ve lo tih sawiin, lawmawm an tih thu an sawi.
Ningani khan MNF Thalai bultumin MNF Gen. Hqrs hnuaia frontal hrang hrang dang – Ex- Mizo National Army, Mizo National Senior Front leh Mizo National Women Front te chu an inkawm a. An resolution pass zingah, ram tana an rawngbawl pui political party dangten an chhungkuaah buaina nasa tak an tawh mek lai a, Pathian hruaina changa MNF-in buaina tawk loa lungrual taka ke an pen tlang zel chu lawmawm an tih thu a tel.
Chief minister Pu Zoramthanga kaihhruai Mizoram sawrkarin sum harsatna namen lo kara ram hmasawnna leh himna tura hma a laknaah lawmawm an tih thu te; kum 2023 Mizoram inthlanpui neih turah MNF-in sawrkarna a chan leh ngei theihna’n lungrual taka Pathian rawn chunga hma lak ho zel, tih te a tel bawk.
Kaihruaitu MNF Thalai president Dr L Thangmawia MLA chuan lalna leh thuneihna chu Pathian ta a ni a, an sawi ang em em in chief minister Pu Zoramthanga hi diklo ni se, Pathianin a chief minister tir loang, tia sawiin, “Tuna kan kaldan en hian term thara kan sawrkar leh sawrkar loh hi kan kutah a awm a. Party atanga malsawmna dawn tum ringawt hi a fuh lo, Mizo hnam tana kan bei anga, a malsawm-na in min zui ang,” a ti.
Huaisen taka Mizo mipui bumah ZPM puhin Dr L Thangmawia chuan, “Kohhran hi kan party a ni tih leh, unit din a ngai lo titute hian an tih loh tura an sawi hi an ti vek tawh a; ZPM hian candidate chang lo te tuamdam tur committee an din hi party dangin an tih ngai loh a ni a, an party treasurer-in a awmna party show cause notice a pe te hi kalphung dangdai tak a ni. Kan beih ngai loin ZPM hi anmahni leh anmahni an inbei tawk a ni,” a ti.
MNF lungrual vangin lawm
Get real time updates directly on you device, subscribe now.
Next Post