MNF MDC-in BJP zawm

Chakma Autonomous District Council (CADC) a rorel lai MNF MDC Amit Bayan Chakma chuan BJP a zawm.
CADC Mondirasora bial atanga MNF ticket-a thlantlin Amit Bayan Chakma hian Pathianni khan Chawngte ah BJP hruaitu, Union minister Kiren Rijjiju awm laiin BJP a zawm a. Ziakin MNF atanga banna hi a thehlut nghal bawk. Amit Bayan Chakma ban avang hian CADC-a MNF sawrkar chu a nghing pha lo nia thu dawn a ni.
Kumin May 9-a CADC inthlanah bial 20-a bial 19-ah vote thlak a ni a. Bial 19-a bial 10 chu MNF-in an la a, bial 5 chu BJP-in la in, bial 4 Congress-in an la. A hnua bial dang pakhat – Rengkashya bial chu Congress-in la in MDC 5 an nei a ni.
MNF chuan sawrkarna siam turin MDC pakhat a la mamawh a. BJP leh Congress MDC-ten MNF an zawm avangin MNF hian sawrkar a siam a, chief executive member atan Rasik Mohan Chakma thlan a ni.