MNF OB leh MNF LC inkawm

MNF Gen. Hqrs elected office bearers leh Aizawl khawpui chhunga MNF local council member-te chu Nilaini khan MNF office – Mizo Hnam Runah an thukhawm.
Thutkhawm kaihruaitu party senior vice president Dr R Lalthangliana chuan, MNF local council member-te nen inhmuhkhawm an rawt chhan chu, kumthar lama local council inthlan atan tun atanga inbuatsaih lawk a tul tih a sawi a ni.
MNF treasurer Lalruatkima pawhin MNF chu party a ni satliah loa, hnam thuthlung kengtu a nih avangin MNF local council member-te chungah mipui mit a fu bik a. Hna an thawhna reng rengah tha taka ti zel turin a fuih. Mahni veng chhungah mamawhtute chu hawisan lo turin a chah bawk.
Thutkhawmah hian Aizawl City Local Council Association (ACLCA) hruaituten hma an lak tawhna leh tuna MNF-in local council-a rorelna a channa leh party dangin local council-a ro an relna report a ni a. Tunah hian Aizawl Municipal huamchhungah local council 85 awm atangin MNF LC 73, ZPM LC 6 leh Cong LC 6 a awm a ni.