MNF vote tute chungah MNF lawm
Lunglei Municipal Council inthlana MNF candidate vote tute chungah MNF party chuan lawmthu a sawi.
MNF Gen. Hqrs. thuchhuak chuan, LMC inthlana hnehna changtu party a lawmpui thu leh thlantlinte Lunglei hmasawnna atan theihtawp chhuah turin a beisei tih a sawi a. Tlingzo ta lo te a tawrhpuiin, ram tana an tha leh zung hmanga theihtawp chhuah chhunzawm zel turin a beisei tih a sawi.
Lunglei hmasawnna atana Mizoram sawrkarah pawh hma la zel turin thlanchhuahte an beisei tih MNF party hian sawiin, ‘MNF sawrkar Pu Zoramthanga kaihhruai hnuaia Lunglei hmasawnna tura hmalak tawh leh lak mekte a hlawhtlinna’n theihtawp chhuah turin kan ngen a ni,’ a ti.
Lungleiin hmel thar a hmuh phahna tura LMC chu din a ni tih leh, Lunglei mipui a te ber atanga a lianber tana innghahna tlakah LMC chu kalpui ngei nise an duh tih a sawi a. Tute pawhin hnehna chang se, MNF chuan Lunglei khawpui hmasawnna tura theihtawp chhuah chhunzawm zel a tum tih a sawi.
‘He inthlan hmang hian MNF chuan tha thar chhuahin, Mizoram leh Mizo mipui tana hmalakna chak zawka kalpuiin, a insangmar chho zel dawn a. LMC inthlan leh vote chhiar thlenga hah taka thawktute chungah lawmthu kan sawi a ni,’ thuchhuah chuan a ti.
MNF vote tute chungah MNF lawm
Get real time updates directly on you device, subscribe now.
Prev Post
Next Post