Moana 2 trailer-in record a siam

‘Moana 2’ trailer an tichhuak a, darkar 24 chhungin vawi maktaduai 178 en a hlawh man a, Disney animated film-ah chuan trailer darkar 24 chhunga en nasat ber record a siam. Diney hnuaiah hian Walt Disney Animation Studios leh Pixar an awm a, Moana hi Disney Animation siam a ni.
A hmaa hetiang record chu Pixar kutchhuak ‘Inside Out 2’ siam niin, darkar 24 chhungin vawi maktaduai 157 en a hlawh hman a, Moana 2 trailer hian record a rawn siam chiang hle a ni.
Moana 2 hi 2016-a an tlangzarh Moana chhunzawmna niin, Moana film paw khan khawvel huapin cinema hall ticket hralhna atangin dollar maktaduai 687 a lalut thei nghe nghe a ni.
Moana 2-ah hian voice star Auli’i Cravalho leh Dwayne Johnson ten an aw an thawh leh a, a film hi November ni 27-a tlangzarh tur a ni. He animated film-ah hian Moana chuan an thlahtute kohna aw hriain tuipuiah a thawk chhuak leh a, Dwayne Johnson hian demigod Maui tan a aw a thawh leh a ni.