Mobile app ‘Thenzawl Calling’ hmang tan
Khualzinmi ten ‘virtual reality (VR)’ hmanga Thenzawl khuaa hmunhma hrang hrang an chhim theihna tur, mobile application ‘Thenzawl Calling’ tih chu Zirtawpni khan Tourism minister Robert Romawia Royte chuan a tlangzarh.
Thenzawl calling app chuan state khawpui tan chang nilo, Mizorama thingtlangte tan thlengin hmasawnna nasa tak a thlen ngei a ring tih Tourism minister hian a sawi a. A tangkaina leh thatna a thuahhnih nia sawiin, Mizoram chu khawvel mithmuha phochhuahna remchang a nih rualin, sumdawngte tan hlawkna leh hmasawnna ropui tak a thlen thei dawn tih a sawi a ni.
“Khawvelah hnam hrang hrangin an hnam ziarang leh kalphung, an ram thlengin hleihluak taka sumdawnna vangin an chan nasa tawh a, chutiang laka Mizoram chhan leh humhalh chu ‘The Mizoram Responsible Tourism Policy’ thiltum pawimawh tak a ni. Ram leilung neitute humhalh a, eizawnna tlak zawk an neih theihna’na puih hi Tourism department thiltum pawimawh tak a ni,” a ti.
‘Thenzawl calling’ app hi Tech Start Software Solutions Pvt. Ltd siam a ni a. Google Playstore leh Apple App Store atanga download theih a ni.
Mobile app ‘Thenzawl Calling’ hmang tan
Get real time updates directly on you device, subscribe now.
Prev Post
Next Post