Mobile service tha zawk neih dan tur sawikhawm

Information & Communication Technology (ICT) department official-te leh telecom service provider (TSP) hrang hrang – BSNL, Reliance Jio leh Airtel aiawhte chu ICT special secretary Amit Sharma kaihhruaiin Thawhlehni khan an thukhawm a. Mizorama telecommunication lama hmalakna leh mobile connectivity /service dinhmun an thlir ho.
Telecom service provider-ten Mizorama hma an lak mekna report an pe a. Mobile connectivity /service tih changtlunna tura an hmachhawp hrang hrang sawi a ni. Lengpui Airport-a mobile connectivity /service tha tawk lo pawh sawi niin, Lengpui Airport hi tih changtlun mek leh hnathawh mek ni mah se, tun aia mobile connectivity leh service tha zawk a awm theih nan ICT special secretary chuan service provider-te chu a rang lam a theihtawp chhuah turin a ngen.
Service provider-ten Mizorama harsatna an tawh hrang hrang an sawi a. A tul angte State Broadband Committee thutkhawma sawiho tura chhawp chhuah tha an ti. Mobile tower leh radiation chungchanga mipui inzirtirna kalpui turin rawtna siam a ni bawk.