Model village-a hmalakna sawi

Last updated Jul 19, 2023 9 0

Model village-a hmalakna sawi
Lawngtlai District Level Committee on Saansad Adarsh Gram Yojana (SAGY) chu Lawngtlai DRDO project director Marilyn Rualzakhumthangi hoin Nilaini khan an thukhawm a. SAGY hnuaia model village atana Rajya Sabha MP K Vanlalvena’n a thlan, Pangkhua tana kum 2023- 2024 chhunga hmasawnna hna thawh dan tur, village level development action plan an ruahman.
Thutkhawmah hian model village Pangkhuain a mamawh hrang hrang leh he khaw tihhmasawn nana line department hrang hrang hnuaia kum 2023- 2024 chhunga hmalakna kalpui theih tura ngaihte sawi ho a ni a. Department-te hma lakna tur intuk niin, heng ruahmanna hi a hlawhtlin theihna’n department-ten uluk takin vil zui se, tih a ni.
Pangkhua hi Rajya Sabha MP hian SAGY phase-VIII hnuaia model village atana a thlan a ni a. Model village hawnna hi 2022 January 28 2022 khan neih a lo ni tawh a, hmalakna pawh engemaw chen kalpui tawh a ni. Kumin hian hmalakna pui kalpui tum a ni.