Modi-a hi mi thiltithei tak a ni, mahse mi tha a ni lo : Kejriwal

Delhi chief minister hlui Arvind Kejriwal chuan prime minister Narendra Modi chu mi thil tithei tak, mi hnehna nei a ni. Mahse, mi tha a ni lo, a ti.
AAP leader chuan Delhi chuan a tha leh dik zawnga kawng a zawh zel theih nan thutlukna dik tak a siam tih sawiin, nihna kalsan ngamte hi ramin a mamawh a, anni hian an ti ve thei kherin a rinawm loh, tiin BJP hotute chu a kap bawk.
Supreme Court a inlan Arvind hian Court chungah a lawmthu sawiin, tih dik loh engmah a neih lohzia pawh a lang zel dawn a ti a, an party chuan India khawpui tan theihtawp chhuah chungin, a tha thei anga kaihhruai zel an tum thu a sawi.
Delhi CM thar, an party mi tho Atishi chuan CM thutthleng dik tak leh tha taka a luah ngei dawn thu sawiin, mi nghet a ni a, a chunga rinna nghah ngam a ni, a ti bawk.
Kumthar lama Delhi assembly awm leh mai turah pawh tun aia thianghlim zawka an party chu rawn chetchhuah leh ngei tuma hma an lak nghal mek thu a sawi.