Modi leh Carney inbiain CEPA sawiho chhunzawm leh rem ti

leh Canada inkungkaihna a chhiat hnuah thawhhona tur lian tak hmathlir, Comprehensive Economic Partnership Agreement (CEPA) tihfel a nih theih nana indawr zui leh tum a ni.
Prime Minister Narendra Modi leh Canadian Prime Minister Mark Carney te Pathiannia Johannesburg, South Africa-a G20 Leaders’ Summit neih ruala na inkawmnaah hei hi an sawi a ni.
Canada-India CEPA indawrna hi kum 2010 atanga tan tawh kha a ni a, kum 2022 khan damdawi leh leilung hausakna thil vâng bik bakah tourism, urban infrastructure, renewable energy leh thil laih chhuahna kawnga thawhhona tihfel theih thuak a ni hman a; mahse, kum 2023 khan Canada-in indawr zui lovin a titawp.
Indian Ministry of External Affairs (MEA)-in Pathianni zana thuchhuah a siamah ram pahnihte hian an inkara sumdawnnaa sum che, $ tluklehdingawn 50 chu kum 2030-a a leta tipung tura indawr thar an tum tih a tar lang a. Indawrna tharah hian rei tak vantlang hman tur nuclear siam chhuahnaa thawhhona an neih tawh leh uranium inpek dan turte pawh a tel dawn tih tar lan a ni.
New Delhi leh Ottawa inkar hi hun eng emaw chen a chhe hman a. India chuan a ram chhunga awm tura a duh loh, Khalistani kal firfiak pawlten Canadian leilung chu khawsak nan leh ral rel nan an hmang niin a sawi a, hei hi India himna tiderthawng thei niin a sawi.
Kum 2023 khan kha tih laia Canadian prime minister, Justin Trudeau-a khan India hi Canadian khua leh tui, Khalistani inlak hran tumnaa nena inzawmna nei thihnaah inhnamhnawihah puhin an inkar a chhiat zual phah hle a. India chuan he puhna hi a pha a, finfiahna pawh awm lo niin a sawi a, hei hian an inkungkaihna nasa taka tihniamin sumdawna thila indawrna pawh tihtawp lailawk a ni ta a ni.
Kumin kum tir lamah khan Indian External Affairs Minister S Jaishankar-a’n Canadian Foreign Minister Anita Anand-i inbiain inkungkaihna a tha leh tan a. Hruaitu pahnihte hi vawi tam tak an inhmu zui tawh bawk a, an inkar a tha leh hret hret zel a. October thla khan ram pahnihte hian an inpalaina pawh a pangngai leh tawh nia sawiin New Delhi leh Ottawa-ah high commissioner pawh an dah leh ve ve tawh a ni.
Insumdawn tawnna tura inremna tur zingah hian bungrua, service, investment, lo neihna, digital trade, ninhlawh fa leh hmasawnna daih rei chi, AI hman leh digital technology te pawh a tel rin a ni.
Johannesburg-a an inbiaknaah hian Modi-a leh Carney-a hian Australia-Canada-India Technology & Innovation (ACTI) Partnership hmanga ram pathumte technology, AI, nuclear energy leh an neih inang lote inpek tawnna tur siam chu tha an tih thu an sawi dun bawk.