“Modi Hatao, Desh Bachao” poster tar avangin Ahmedabad-ah mi pariat man an ni a. Nilaini atang khan Aam Aadmi Party (AAP) te chuan ram pum huapin Prime Minister Narendra Modi laka poster campaign an kalpui kal zel nghawng a ni.
Ahmedabad police-te chuan case ziaklutin an chhui chian zui zel tur thu an sawi a. ‘Dan kalhin’ heng poster huatthlala rawngkaite hi hmun hran hranah tar a ni tiin police te chuan an sawi.
Gujarat AAP chief Isudan Gadhvi chuan police tena an man te chu party worker te vek an nih thu sawiin BJP te chu ‘dictatorship’ kalpuiah puhin an party worker te man an ni chu BJP tena ‘hlauhthawn’ an neih lantirna tiin a sawi a.
“BJP te dictatorship hmuh theihin a awm a. Gujarat-a AAP worker te Modi hatao desh bachao poster tar avangin thubuai siamsaka man an ni a. Hei hi Modi leh BJP tena hlauhthawnna an neih a nih loh chuan eng nge ni chuang ang? In duh tawkin che mah ula, Aam Aadmi Party chuan a bei chhunzawm zel dawn,” tiin Gadhvi chuan a sawi.
AAP te “Modi Hatao, Desh Bachao” campaign hi ram pumah tawng chi hrang hrang 11 hmanga kalpui niin English, Hindu leh Urdu bakah Gujarati, Punjabi, Telugu, Bengali, Oriya, Kannada, Malayalam leh Marathi tawng te pawha tar a ni bawk.
Kar kalta khan national capital Delhi-ah PM beihna poster sang tam tak tar a ni bawk a, hei hi police te chuan chhui nghalin mi 49 lakah FIR theh luh niin printing press neitu pahnih man an ni bawk. Delhi police-te chuan public property tihhmelhem vanga man an nih thu sawiin hei bakah hian danin a phut angin poster te chuan a chhutna printing press a pholang lo an ti.
Hei hi chhang letin Delhi CM Kejriwal chuan British-te meuh pawh khan independence movement laiin poster tartute an man ngai lo, a ti bawk.
Modi poster tar thuneitu ten haw hle
Get real time updates directly on you device, subscribe now.
Prev Post
Next Post