Draft University Grants Commission (Setting up and Operation of Campuses of Foreign Higher Educational Institutions in India) Regulations chu May thla chawlhkar hmasa ber atangin hman tan a ni ang tiin UGC Chairman M. Jagdesh Kumar chuan a sawi.
Prof. Kumar chuan draft hian foreign university leh embassy hrang hrangte chhanna hmuin UGC chuan henga rawtna awmte chu a thlifim mek a ti a. UGC chuan Reserve Bank of India chu guidelines a tihchhuah hmain a be rawn hmasa phawt ang a ti bawk.
Prof. Kumar chuan rawtna an hmuh tam ber te chu Europe leh North America-a inbun university te atangin a nih thu a sawi a. UGC chuan kumin January thla khan draft guidelines hi an website-ah an tarlang a. Regulation an siam te chu National Education Policy (NEP), 2020 behchhan veka siam a nih thu leh India hihger education system internationalisation tumna a nih thu a sawi a. Draft siam chu Higher Educational Institutions (HEIs) leh foreign HEIs te thawhhona tiin a sawi bawk.
Prof. Kumar chuan foreign university te India rama inbun tir chu India tan ‘win-win situation’ a nih tur thu a sawi a.
“Zirlai tena research leh academic activity te foreign zirlai te nen an neih that phah thei dawn a. Foreign university-ah Indian academics thahnem tak an awm a, India ramah an university ngeiah zirtir turin an lo kal thei dawn a ni. Hei hian India rama higher education standard a titha dawn a ni,” tiin Prof. Kumar chuan a sawi bawk.
Foreign University te inbun thei tep
Get real time updates directly on you device, subscribe now.
Prev Post
Next Post