Modi sorkarin NITI-Aayog din thar

Narendra Modi kaihhruai NDA sorkar chuan NITI Aayog dinthar lehin full-time member pali leh Union Minister 15 te tel bawkin leh BJP allies te pawh ex-officio member emaw special invities angin an dah bawk.
Prime Minister Narendra Modi chu chairperson niin economist Suman K. Bery chu NITI Aayog vice-chairperson a nih chhunzawm ang tiin official notification tihchhuah chuan a tarlang.
Scientist V.K. Saraswat, agricultural economist Ramesh Chand, paediatrician V.K. Paul leh macro-economist Arvind Virmani te chu government think-tank full-time member anni zui zel dawn a ni.
Ex-officio member pali te chu Union Ministers Rajnath Singh (Defence), Amit Shah (Home), Shivraj Singh Chouhan (Agriculture) leh Nirmala Sitharaman (Finance) te an ni a.
Prime Minister chuan National Institution for Transforming India (NITI Aayog) siam\hat hi a pawmpui tiin notification chuan a tarlang a ni.
NITI Aayog siamthar lehah hian special invitees te chu Nitin Gadkari (Road Transport and Highways), Jagat Prakash Nadda (Health), H.D. Kumaraswamy (Heavy Industries and Steel), Jitan Ram Manjhi (Micro, Small and Medium Enterprises), Rajiv Ranjan Singh alias Lalan Singh (Fisheries, Animal Husbandry and Dairying) te an ni a.
Anni bakah hian special invitees dang Union Ministers Virendra Kumar (Social Justice and Empowerment), Kinjarapu Rammohan Naidu (Civil Aviation), Jual Oram (Tribal Affairs), Annpurna Devi (Women and Child Development), Chirag Paswan (Food Processing Industries) leh Rao Inderjit Singh (Statistics and Programme Implementation) te an tel bawk.
Kumaraswamy hi NDA partnet JD-S a ni a, Manjhi hi Hindustani Awam Morcha, Ranjiv Ranjan Singh pawh JD-U, Naidu erawh TDP niin Paswan pawh Lok Janshakti Party (Ram Vilas) a ni bawk.
National Institution for Transforming India, ‘NITI Aayog’ tia hriatlar zawk hi kum 2015 khane Modi government chuan kum 65-a upa Planning Commission \hiata a din a ni.