Mohammed Shaleel-a’n football dribble record a siam
Mangaluru bula awm, Deralakatte khaw tlangval, Mohammed Shaleel, kum 22, chuan Guinness World Records bu-ah a hming a nemkai ta a, a record siam chu football dribble rang ber a ni. Football dribble chu ke a ball han chawh kual vel hi a ni mai a, he tlangval hian second 11.9 chhungin ball chawhkawi an zirna cone 20 a dribble chhuak hman.
Shaleel hian Al Falah Sports Arena, Al Jubail, Saudi Arabia-ah record hi a siam a, a hmaa hetiang record chu Canadian freestyle footballer Daniel Mazey siam niin, ani hian second 15.78 chhungin cone 20 dribble a tichhuak hman ve thung.
Shaleel hi record bu-ah hian a mikhual tawh bik lo a, 2022 khan second 30 chhungin 10 nutmegs tihlawhtlingin record a siam tawh a. Hetiang hi football skills tho niin, an khelhpui te ke kar a ball pass tihna a ni.
Shaleel hi Saudi Arabia-ah hian hnathawkin a awm mek a, freestyle football lama a tuina hi tawpsan mai a tum lo va, record dang pawh siam belh zel a tum.
Mohammed Shaleel-a’n football dribble record a siam
Get real time updates directly on you device, subscribe now.