Pope Leo XIV lawmna Vatican-ah Harry Styles

On May 12, 2025 44 0

Pope Leo XIV lawmna Vatican-ah Harry Styles
Pop superstar Harry Styles chu May ni 8-a St. Peter’s Square a Pope Leo XIV lawma mipui sang tam tak pungkhawm zingah a tel ve nawlh mai. He pop star, kum 31 mi hi jacket pawl hin, sunglass a vuah ran mai a, baseball cap a khum bawk a, chutah chuan ‘Techno is my boyfriend’ tih a chuang kalh bawk. Mipui pungkhawm zinga Harry Styles lo lang ve fans lamin an hmuh hmaih lo hle a, social media lamah pawh a lar nghal khawp mai.
Pope Francis, kum 88, a thih hnuah, Chicago, USA a piang, Robert Prevost, kum 69, chu Catholic cardinal rual ten Pope ni turin an tlang a, Pope Leo XIV tih hming a thlang ta a ni. Pope 267-na niin, US a piang zinga Pope ni thei hmasa ber a ni.
Harry Styles hian 2023-a Love on Tour a neih zawh hnuah a thawm a reh ta viau a, 2022-a solo studio album pathumna ‘Harry’s House’ a tlangzarh hnuah album dang a la nei ta lo. Hetihrual hian a tour zawh hnuah chawlh hmangin a zinkual nasa viau maia, March thla khan Tokyo Marathon-ah te a han tlan ve lawp lawp a, he marathon a tlan mi 37,000 zingah 6,010-na a ni thei a, April thlaa London Marathon-ah pawh khan a inlan leh bawk.