Monitoring Committee-in tlawh

Tuikual North-a Multi Utility -cum- Community Centre sak leh MINECO-a NeSIDS sum hmanga thawh State Resource Centre for HIV/AIDS sak mek chu Ningani khan Mizoram State Monitoring Committee chuan chu an vice chairman R. Lal Rinawma, IRS (Rtd) hoin an tlawh.
Multi Utility-cum- Community Centre hi North Eastern Council Fund hmanga siam a ni a. Sum ruahman hi nuai 299.91 niin, nodal & executing department chu UD&PA a ni. Contractor hi M/s Risors Associate Zarkawt a ni.
State Resource Centre for HIV/AIDS hi cheng vaibelchhe 4 hmanga sak tura ruahman niin, NESIDS suma sak a ni a; contractor hi Lalnunmawia, Bungkawn a ni. Nodal department chu Health &FW hnuaia MSACS niin, executing department chu PWD a ni.
MSPMC team hian ruahman lawk anga sak a ni em, tih an endik a. A hna hi zaa 65 zawh tawh niin, hna a tha thawkhatin an hria a, ruahman ang taka a puitlin theih nan hmalak zui dan tur chu department hotute leh contractor hi an sawipui a ni.