Monte Carlo-ah Novak chak nghal

Monte Carlo-ah Novak chak nghal
Hliam leh harsatna dang neuh neuh avanga thlakhat chuang a chawlh hnuah Novak Djokovic chuan kum 2013 leh 2015-a a champion tawhna Monte Carlo Masters-ah khelmual a lut leh a, 7-6 (7-5) 6-2-a qualifier Ivan Gakhov hnehin third round a lut.
World number one Djokovic tan tunkar tir lama a game kha thla khat chuang hnua a competitive match hmasaber niin, Monte Carlo-ah hian first-round bye a hmu a, second round lamah Russian hnehin, kumin March ni 3 khan Dubai Tennis Championships semi-final match pakhat zawkah Daniil Medvedev a hneh lo a, khami hnu khan a chawl vang vang a, hnehna nen khelmualah hmuh tur a awm leh ta a ni.
22-time Grand Slam cham-pion Djokovic hian Monaco clay last 16 lamah Italian player ve ve Luca Nardi leh 16th seed Lorenzo Musetti inkhela chak zawk zawk a tum leh ang.
Two-time Monte Carlo winner Djokovic chuan hnehna a chan hnuah a khelh that theih dan ber a pha lo tih sawi chungin set khatnaah a khel chhe zual niin a sawi a, thli a lo thaw ve bawk nen a tum angin a khel thei lo a, mahse, hun pawi-mawha hnehna a chang thei lawmawm a tih thu a sawi.
Dubai-a Medvedev a hneh loh kha kumin bika Djokovic chak loh awmchhun la niin, vawihnih a champion tawhna leilungah hian rinkai a ni chho leh mek.
Monte Carlo tournament kal laiah hian British beiseina pahnih Dan Evans leh Jack Draper-te erawh an tla fel leh tawh thung.
British number two Evans hi Belarusian Ilya Ivashka chuan 2-6 6-2 6-3-in first-round lamah a hneh a; Draper hi 6-3 6-7 (3-7) 7-5-in second round match pakhatah Polish 10th seed Hubert Hurkacz chuan a hnawtchhuak.
Ivashka hian a makpa, Russian ninth seed Karen Khachanov chu second round-ah tum lehin, Hurkacz hian last 16 lamah Argentina player Diego Schwartzman leh Italian seventh seed Jannik Sinner inkhela chak zawk zawk a hmachhawn ve thung.